Hot topics close

Dare Adeboye: Pastor Enoch Adeboye son death, im brother Leke describe di moment e die

"Dare Adeboye still hold im hand tight like say e dey hold mic and e smile."

7 hours wey don pass

Enoch Adeboye son death:

Wia dis foto come from, Leke Adeboye

Leke Adeboye, second son of di General Overseer of di Redeemed Christian Church of God [RCCG] don describe di last moment of im elder brother Dare.

Pastor Oluwadamilare Temitayo Adeboye die on Tuesday, May 4th, 2021.

Leke Adeboye wey also be di Special Personal Assistant to im papa, Pastor Enoch Adeboye di General Overseer of RCCG worldwide, post am for im Instagram page.

E say im fist still dey tight like say e hold mic but dis time, im eyes dey closed and e dey smile.

Enoch Adeboye son death:

Wia dis foto come from, Leke Adeboye

Leke tok say im elder brother for dash am money to celebrate im birthday wey be on May 20.

And im [late Dare] for also send im brother birthday gift on June 9. Leke add.

Leke Adeboye say im brother favourite colour na blue but e dey do everything as per royal standard of purple.

Di death of Pastor Dare wey many pipo sabi as Pastor Dee shock many pipo.

Plenty pipo still dey mourn wit Pastor Enoch Adeboye son family.

Similar shots
This week's most popular shots